Sa vezë mund të hani në një javë për shëndetin e organizmit 

Mëngjesi tipik i shumë amvisave shqiptare padyshim që përfshinë vezët. Ato na serviren të ziera apo të skuqura në forma të ndryshme. Veza është një ushqim tepër i shëndetshëm. Ajo kombinohet me shumë gatime sikurse është bukë e thekur me avokado, supë me oriz, tavë me spinaq apo ëmbëlsira. Sikurse duket, gjatë një jave njeriu arrin të konsumojë shumë vezë dhe natyrshëm na lind pyetja në qoftë se konsumi i kaq shumë vezëve është i shëndetshëm.

Ekspertët thonë se një njeri mund të konsumojë pa frikë dy vezë në ditë. Veza duhet shoqëruar pothuajse shumicën e rasteve me barishte, kos, avokado dhe bukë me drithë të plotë. Në qoftë se ju e servirni atë me proshuta dhe shumë feta djathë, atëherë do të mbusheni me kalori dhe yndyrna të panevojshme.

E bardha apo e verdha e vezës?

Shumë konsumatorë hanë vetëm të bardhën e vezës në përpjekje për të mos marrë shumë kalori. Megjithatë, ekspertët shprehen se e verdha e vezës ka shumë ushqyes të nevojshëm. Ato nuk gjenden tek e bardha e saj, e për këtë arsye veza duhet konsumuar e plotë. Të dhënat konfirmojnë se vitaminat të cilat treten në yndyrë gjenden pikërisht tek e verdha e vezës. Kshtu, hiqni të verdhat e vezëve mund të mos merrni shumë kalori por as vlerat ushqyese të tyre.

Sasia e duhur e vezëve

Të dhënat studimore thonë se sasia e duhur dhe e shëndetshme e vezëve është e gjitha në varësi të regjimit ushqimor që ndjekim gjatë jetës. Një vezë përmban 80 kalori, 5 gramë yndyrë dhe 6 gramë proteinë. Në qoftë se ju jeni duke marrë mjaftueshëm proteinë dhe yndyrna nga ushqime të tjera, ngrënia e një omlete prej 5 vezësh çdo ditë është padyshim një ide e keqe. Por në qoftë se nuk e dini sa proteinë do të hani gjatë ditës, ose nëse do të merrni proteinë atëherë hani vezë sipas dëshirës. Më pas, gjatë ditës mund të bëni rregullimet e duhura në sasinë e yndyrës dhe proteinës.