“Zhdukuni se iu shqeva, zhdukuni se do ju vrasim, ikni se u q***, nuk kemi nevojë për shtetin ne. Ikni bq… erdhi polic te dera jonë do ju vrasim, kush polic vjen në derë të shtëpisë do ju vrasim. U q… r…”, janë këto disa nga fyerjet dhe sharjet që familjarët e biznesmenit Demir Backa në Fier kanë lëshuar ndaj Policisë, pas ngjarjes së rëndë që ndodhi mbrëmjen e kaluar në Fier.
Sikurse shikohet dhe dëgjohet në videon e mëposhtme, familjarët e biznesmenit të vrarë kanë qenë tepër të irrituar me punonjësit e policisë, dhe i kanë kërcënuar me vrasje në rast se uniformt blu do të shkelin në derën e shtëpisë së tyre.
Viktimë e një breshërie kallashnikovi mbeti 57-vjeçari Demir (Dem ose Agim) Backa, i njohur ndryshe dhe si Dem Bscka. Persona të paidentifikuar zbrazën armën kundrejt tij, ndërsa vdekja e Baçkës u konfirmua disa minuta pas ngjarjes nga bluzat e bardha të Spitalit Rajonal të Fierit.
Mësohet se fisi Backa, me origjinë nga Kosova dhe banim të hershëm në Fier janë mjaft të fuqishëm ekonomikisht në këtë qytet, të konsideruara ndër tre familjet më të pasura. Para një viti ka ndodhur një sherr me pasoja mes anëtarëve të këtij fisi dhe disa personave nga Tirana, për shkak se njëri nga këta të fundit kishte ngacmuar një mbesë të Backajve.
Familjarë shumë të afërt të 57 vjeçarit janë njohur si anëtar të bandave të vitit 97 në Fier ku ka pasur edhe viktima në radhët e tyre, përfshirë vëllain e Demirit. Demir Baçka njihej gjerësisht për shkak të historive nga e kaluara por edhe bizneseve të tij të cilat shtriheshin deri në zonat bregdetare në jug të vendit.
