Parashikimi i motit për ditën e sotme, e diel 24 tetor 2021

Sipas MeteoAlb, pjesa e parë e ditës do të sjellë vranësira të shumta të cilat do të gjenerojnë reshje shiu të pakta në Veri dhe Qendër. Në zonat Jugore reshjet do të jenë më të konsiderueshme. Ndërsa në pjesën e dytë të ditës moti përmirësohet gradualisht në Veri dhe Qendër, por me reshje të pakta vijonë Jugu i territorit.

Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 5°C deri në 20°C.

Era do të jetë mesatare dhe e fortë me shpejtësi 60 – 65 km/h nga drejtimi Verilindor duke sjellë në det dallgëzim 5 – 6 ballë.