Aksident në Krujë, plagosen rëndë babë e bijë

Një aksident i rëndë është shënuar këtë mbrëmje në Krujë, ku kanë mbetur të plagosur babë e bijë.

Bëhet me dije se rreth orës 18:40, në aksin rrugor Krujë-Fushë Krujë, shtetasi me iniciale F. M., duke drejtuar motomjetin ka humbur kontrollin dhe ka dalë jashtë rruge.

Policia njofton se për pasojë është dëmtuar drejtuesi i mjetit dhe pasagjerja, (vajza) shtetësja me iniciale N. M., të cilët ndodhen nën kujdesin e mjekëve, jashtë rrezikut për jetën.

Grupi hetimor ndodhet ne vendin e ngjarjes dhe po punon për zbardhjen e rrethanave te aksidentit.