Ish-ministri i Brendshëm në Itali Matteo Salvini ka dalë në seancë gjyqësore.
Ai akuzohet për rrëmbim, pas refuzimit në vitin 2019 për të lejuar një anije spanjolle shpëtimi emigrantësh që të ankorohej në Siçili.
Kreu i partisë “Lega” akuzohet se u privoi lirinë dhe abuzoi me postin gjatë incidentit, kur urdhëroi të mos zbarkoheshin prej anijes mbi 150 emigrantë të shpëtuar në Mesdhe nga organizata “Open Arms”.
“Ne presim drejtësi për vuajtjet e panevojshme që patën të gjithë njerëzit në ato 20 ditë”, tha kreu i OJQ-së spanjolle Open Arms, Òscar Camps.
Një gjykatë në Katania, Siçili, në fillim të këtij viti vendosi të mos gjykojë Salvinin në një rast të ngjashëm, për mbajtjen e 116 emigrantëve në bordin e një anijeje të rojes bregdetare italiane në det për pesë ditë, ngjarje e ndodhur gjithashtu në vitin 2019.
