“Pandemia nuk ka mbaruar” Kryeministri Johnson del me një mesazh, kërkon vëmendjen e qytetarëve

Kryeministri Boris Johnson ka dalë me një thirrje për të gjithë britanikët.

Ai u është drejtuar atyre duke i thënë që të bëjnë dozën e tretë anti-C OVID19.

Me anë të një videoje, numri një i Britanisë së Madhe thesoi se sa e rëndësishme është të marrësh injeksionin përforcues.

“Sigurisht, është e vërtetë që pothuajse çdo i rritur në këtë vend ka marrë tashmë dozën e dyfishtë dhe, falë kësaj, ne kemi arritur të kthehemi në jetën tonë normale, por ne gjithashtu e dimë se mbrojtja nga vaksinat zvogëlohet me kalimin e kohës dhe kështu njerëzit që janë më të prekshëm ndaj Covid dhe që e kanë marrë dozën e dytë më shumë se gjashtë muaj më parë, tani janë në rrezik më të madh.

Pandemia nuk ka mbaruar dhe rreziku nuk është zhdukur. Doza e tretë është po aq jetike, sa dy të tjerat. Eshtë e vetmja mënyrë për të forcuar imunitetin tuaj dhe të familjes suaj”, shkruan Johnson.