Emërohet drejtori i ri i Përgjithshëm i Tatimeve.
Ai është ish-kreu i AKUM, Ceno Klosi.
Ky i fundit ka mbajtur më parë postin e drejtorit të Ujësjellës-Kanalizime.
Emërimi i Ceno Klosit në krye të Tatimeve vjen pasi paraardhësja e tij Delina Ibrahimaj u zgjdh ministre e Financave dhe Ekonomisë.
VENDIM PER EMËRIMIN E DREJTORIT TË PËRGJITHSHËM TË TATIMEVE:
Në mbështetje të nenit 100 të Kushtetutës dhe të pikës 2, të nenit 17, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
- Ceno Klosi emërohet në detyrën e drejtorit të Përgjithshëm të Tatimeve.
Ngarkohen Ministria e Financave dhe Ekonomisë dhe Drejtoria e Përgjithshme e Tatimeve për zbatimin e këtij vendimi.
