“Kishte lidhje paralele”! Rrëfimi ekstrem i mikut të pilotit grek që mbyti gruan në sy të fëmijës

Një mik i pilotit grek, Babis Anagnostopoulos, ka thyer heshtjen, duke treguar sekretet e jetës së autorit të krimit, i cili vrau gruan, Carolinën në muajin maj të këtij viti. Ai ka treguar se piloti ishte në një lidhje paralele.

“Ai kishte një lidhje paralele me një grua tjetër. Kisha parë disa gjëra që Babisit nuk i pëlqenin, si kjo me të dashurën e tij”, u shpreh ai, raportojnë mediat në Greqi.

Më pas ai foli edhe për martesën e mikut të tij me Carolinën, por sigurisht edhe për fundin tragjik të saj. “Gjithçka i ndodhi Caroline krejt papritur. Ai u martua me të në Portugali. Askush nuk dinte asgjë.

Pyes veten nëse ai nuk donte të linte shumë hapësirë ​​për shkak të gruas tjetër dhe bënte gjithçka fshehurazi. Ajo tjetra u befasua sepse e mësoi lajmin nga mediat sociale” shtoi ai. “Babisi është një fëmijë i papjekur, joserioz, kaq”, deklaroi ai.

Krimi tronditi Greqinë në muajin maj, teksa Babis Anagnostopoulos në fillim akuzoi shqiptarët për vrasjen, por më pas hetuesit me provat e mbledhura e “gozhduan” duke e bërë që të pranojë autorësinë.