Franca shembull/ I akordon 100 euro çdo qytetari për përballimin e rritjes së çmimit të energjisë dhe karburantit

Qeveria në Francë ka njoftuar se do të paguajë 100 € për çdo qytetar që ka të ardhura mujore deri në 2 mijë euro, për të ndihmuar në përballimin e rritjes së çmimeve të karburantit dhe energjisë.

Një shifër e tillë do të shkojë për pothuajse 38 mln francezë, përfshirë edhe ata që nuk drejtojnë makinë apo motor.

Pagesat e para do të akordohen për punonjësit e bizneseve deri në fund të dhjetorit. Ndërkohë nëpunësit civilë, studentët si dhe pensionistët do të marrin paratë e tyre në fillim të vitit 2022.

Pagesa do të jetë e pataksuar ndërsa do t’i kushtojë buxhetit të shtetit 3.8 mld euro. Për autoritetet kjo shifër konsiderohet shumë më pak se ulja e çmimit të karburantit.

Europa po përballet me pakënaqësi pasi çmimet e energjisë pësuan rritje, kryesisht si pasojë e kërkesës së madhe të bizneseve që po fillojnë të kthehen në ritmet e para pandemisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern