U shpallën “non-grata” në Kosovë/ Kush janë dy zyrtarët e lartë, njëri prej tyre i dëbuar dhe nga Shqipëria

Ditën e sotme presidentja e Kosovës Vjosa Osmani i ka kërkuar ministres së Punëve të Jashtme Donika Gërvalla-Schwarz, shpalljen “non-grata” të dy zyrtarëve rusë.

Ata tashmë do të jenë të padëshiruar në Kosovë, për shkak të aktivitetit të tyre të dëmshëm, i cili ka cënuar sigurinë kombëtare dhe rendin kushtetues.

Ndërkoë, pas ultimatumit të Osmanit, janë bërë publikë dhe emrat e dy zyrtarëve rusë,  të cilët janë Denis Vengerskii dhe Alexey Kryvosheev.

Ky i fundit nuk e ka për herë të parë dëbimin nga një shtet, pasi në janar të këtij viti qeveria shqiptare e shpalli “non grata”, me argumentin se “shkelur vazhdimisht masat e C OVID-19”.

Në deklaratën zyrtare të Ministrisë së Jashtme të Shqipërisë, shkruhet se Krivosheev ka marrë disa paralajmërime, por “diplomati nuk ka reflektuar” dhe “vazhdoi të tregojë sjellje të pakujdesshme”.