LIGJET E BIZNESIT
Komiteti Teknik i Ekspertëve pas mbledhjes së sotme ka vendosur ti hapë dritën jeshile dozës së tretë të vaksinimit anti- C OVID19 për personat mbi 60 vjeç, vaksinimit të adoleshentëve mbi 16 vjeç dhe një kategorie të fëmijëve nga 12 deri në 15 vjeç.
Anëtarët u shprehen se situata e pandemisë është përkeqësuar lehtë, por masat shtrënguese aktuale do të vijojnë të mbeten në fuqi dhe nuk do të ketë një shtrëngim të mëtejshëm.
Gjatë komunikimit publik u bë apel për tu vaksinuar.
Drejtuesja e Komitetit njëkohësisht zv.ministre e Shëndetësisë Mira Rkacolli tha se është miratuar aplikimi i dozës së tretë të vaksinës te personat mbi 60 vjeç, që duhet të injektohet jo më herët se gjashtë muaj nga doza e dytë.
“Ndërkohë në lidhje me vaksinimin, sugjerohet prioritet mbulimi i popullsisë me dozën e parë dhe të dytë për ata që nuk e kanë bërë. Ndërkohë qytetarët mbi 60 vjeç vendoset të bëjnë dozën e tretë jo më herët se 6 muaj pasi kanë bërë dozën e dytë, duke nisur nga data 1 Nëntor I këtij viti. Fëmijët mbi 16 vjeç do të ftohen me konsensusin e prindërve dhe rekomandimin e mjekëve, dukenisur nga data 1 Nëntor. Fëmijët 12-15 vjeç që kanë sëmundje që lidhen me imunitet të ulët, ftohen gjithashtu të vaksinohen”, u shpreh ajo.
