Një 20-vjeçar i cili masakroi nënën e tij në Greqi u është dorëzuar autoriteteve. Mediat në vend shkruajnë se bëhet fjalë për krimin e ndodhur në Egaleo ku një grua 57-vjeçare u gjet e shtrirë në një apartament.
I biri u vetëdorëzua dhe, sipas raportimeve, aktualisht është duke rrëfyer ngjarjen për policinë. Familja me pesë anëtarë mendohet se kishte të ardhura të pakta dhe se po përballeshin me probleme mjaft serioze. Kryefamiljari me origjinë nga Pakistani nuk jeton.
Referuar informacioneve, ishte vetë i riu ai i cili njoftoi policinë për ngjarjen dhe më pas u zhduk.
“Vëllai vrau nënën,” raportohet të ketë thirrur djali i vogël i viktimës që u gjet në një pellg me gjak në banesë.
