Sot pritet të mblidhet Komiteti Teknik i Ekspertëve. Në mbledhje pritet të miratohet rekomandimi i bërë nga Komiteti i Vaksinimit ku është parë si e nevojshme doza e tretë e vaksinës, anti-covid. Rekomandimi i dytë ishte për uljen e fashës së grupmoshës për vaksinimin mbi 16 vjec për ata fëmijë të cilët kanë problematika shëndetësore. Këto rekomandime pritet që të miratohen ditën e sotme nga Komiteti i Ekspertëve.
Përmendim se Ministrja e Shëndetësisë dhe Mbrojtjes Sociale Ogerta Manastirliu, ka deklaruar një ditë më parë nga Shkodra se qeveria shqiptare është e gatshme të garantojë vaksinat për dozën e tretë, bazuar në rekomandimin e ekspertëve.
“Eshtë mbeldhur Komiteti i Ekspertëve të Vaksinimit të cilët kanë rekomanduar realizimin apo vendosjen në protokolle të dozës së tretë ose doza ‘booster’ siç quhet ndryshe. Kanë rekomanduar gjithashtu edhe uljen e fashës së grupmoshës për vaksinimin +16 vjeç dhe kanë diskutuar dhe rekomanduar gjithashtu dhe vaksinimin +12 vjeç por vetëm për ata fëmijë të cilët kanë problematika shëndetësore. Këto rekomandime do të diskutohen ditën e nesërme në mbledhjen e Komitetit Teknik të Ekspertëve”, deklaroi Manastirliu.
