“Ide e shkëlqyer” Kastro Ziso tregon çmimin e satelitëve “Albania”: E ardhmja e njerëzimit në hapësirë

Të gjitë e njohim si këngëtar, por Klevis Bega (Kastro Ziso) është dhe astro-fizikant pasi ka studiuar për këtë degë.

Ndërkohë ai ka folur në lidhje me temën më të diskutuar të momentit “Satelitët e Shqipërisë” në Zona Zero.

Bega u shpreh i kënaqur me idenë që një vend kaq i vogël si Shqipëria del nga diskutimet e përditshme “politikë, politikë, politikë” dhe merret me një çështje të tillë.

“Më pëlqen e gjitha kjo, që edhe Shqipëria pavarësisht rutinës që na ka marrë me politikë e varfëri e tjetër, më pëlqen fakti që vendi i ka kthyer sytë nga hapësira, andej nga është dhe e ardhmja e njerëzimit. Pastaj për faktin se për çfarë do përdoret nuk e di,” tha Bega.

A mund të keqpërdoren satelitë të tillë? Cilët janë kostot?

“Nuk kam dëgjuar shifra, se shqiptari vdes të flasë pak për shifra. Që nga 2012 kur Elon Musk u licencua nga NASA për të çuar anije në hapësirë. Që do të thotë ky projekt është një kapsulë që nuk ikën dëm, përdoret disa herë.

Nuk e di se sa 10-12 herë përdoret, nuk i kam këto detaje. Lëshohet kapsula dhe në varësi të satelitit, dhe çmimi nis nga 20 mijë dollarë e sipër. Jemi në një epokë PR-i, një vend i vogël si ne që ka nevojë të mbajmë në epiqendër atë që na e ka dhënë Zoti dhe është natyra jonë, ne nuk merremi me atë. Jemi shteti i parë në Ballkan që po flasim për këtë temë, dhe po mendojnë të ngremë satelitët,” tha Bega.