Nuk ndalen lëkundjet/ Dy tërmete godasin sërish Kretën brenda 8 minutave

Kreta është tronditur sërish nga dy tërmete me madhësi 3.7 dhe 4.5 të shkallës Rihter tetë minuta njëri pas tjetrit.

Lëkundja e parë ndodhi dy kilometra në jugperëndim të Arkalochori me një thellësi lokale prej 5 kilometrash, në orën 11:04.

Një tërmet i ri prej 4.5 Rihter u regjistrua në orën 11:12, dy kilometra në jugperëndim të Arkalochori, me një thellësi fokale gjithashtu pesë kilometra.

Rreziku i zonës nga Kefalonia në Rodos për fenomenet sizmike vazhdon të jetë i lartë. Ndërkohë Kreta është goditur nga 2 tërmete të forta pak ditë më parë duke lënë pas viktima dhe qindra shtëpia të shkatërruara.