Një tërmet i fortë me magnitudë 4.5 të shkallës Rihter goditi ditën e sotme ishullin e Kretës në Greqi. Mediat atje bëjnë të ditur se tërmeti kishte një thellësi të ulët, prej vetëm 2 kilometrash duke bërë që lëkundjet të ndjehen të forta në sipërfaqe. Një situatë e tillë ka shkaktuar panik te banorët.
Megjithatë, nga të dhënat paraprake nuk raportohet për dëme në njerëz përveç disa çarjeve nëpër banesat e vjetra.
