LIGJET E BIZNESIT
Zyrtari i Lëvizjes Socialiste për Integrim Vojo Bregu ka komentuar raportin e Bashkimit Europian për Shqipërinë.
Sipas tij, në të theksohet se vendi ynë nuk e ka një regjistër të fermave.
Bregu ka publikuar edhe një video të ish-ministres së Bujqësisë Milva Ekonomi, duke u shprehur se ajo gënjeu kur tha se Shqipëria ka një regjistër fermash.
Reagimi i Vojo Bregut:
Fjalia e nënvizuar me të kuqe, pjesë e progres-raportit te BE për Shqipërinë, nuk le asnjë ekuivok për të kuptuar që Shqipëria nuk ka regjistër fermash. Në videon bashkëngjitur, është ish ministrja e Bujqësisë Ekonomi e cila në Shkurt të këtij viti gënjente paturpësisht parlamentin shqiptar, sikur Shqipëria ka regjistër fermash. Kaq do të mjaftonte në një vend europian, që një personazh i tillë mos të qarkullonte më në skenën politike. Por ministrja më e paaftë që ka pasur ndonjëherë bujqësia shqiptare, jo vetëm vazhdon në politikë, por është edhe ministre e diçkaje, që as vetë ajo nuk e di çfarë bën.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
