“E kujtoj shpesh” U dashuruan në “Big Brother”, Bjordi flet për mungesën e Adelës: Ishte vajzë fantastike

Të gjithë e mbajnë mend historinë e dashurisë në “Big Brother Albania 2” mes Adelajda Xhamanit dhe Bjordi Mezinit.

Dyshja u kthye në një çift simpatik dhe asokohe thyen tabutë.

Vajza brune që fitoi mbështetjen e shumë njerëzve me ëmbëlsinë e saj, vijoi lidhjen me Bjordin edhe për pak vite pas daljes nga programi, por për fat të keq u nda nga jeta para katër vitesh në moshën 32-vjecare.

Ndonëse ai ka vazhduar jetën e tij, i ftuar në emisionin “Natën me Aulonën”, Bjordi ka folur për Adelën, për të cilën tha se e kujton shpeshherë.

“Unë dhe Adela kishim vite që ishim ndarë kur ndodhi ajo që ndodhi, dhe rrugët tona ishin ndarë, ishim dy njerëz që kishim ndarë një pjesë të mirë të jetës bashkë, ishim shumë të rinj dhe gjërat ndryshojnë, por po normalisht që e kujtoj shpesh, ka qenë shumë e rëndësishme, ishte një vajzë fantastike dhe nuk e mohoj dot”, tha regjisori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sa i përket jetës së tij private, ai tha se ka shumë kohë që nuk “gjuan”, prej vitesh, del në club, por nuk flirton,  i bën femrat ta “gjuajnë”.

Ai zgjodhi të mos e komentonte marrëdhënien e tij aktuale, duke thënë se është e komplikuar, si çdo marrëdhënie tjetër, duke nxitur dyshime se ndoshta është aktualisht në krizë. I pyetur për defektin më të madh që ka ai si njeri, në çift, tha se ishte egoist, duke thënë se të parat vë prioritetet e gjërat e veta, jo të partneres.