“Kur u vodh lopa të gjithë u sulën te rojtari” Ja si e komenton Grida Duma ‘luftën’ Berisha-Basha

Deputetja dhe njëkohësisht nënkryetarja e Partisë Demokratike Grida Duma ka komentuar betejën brenda opozitës.

Sipas saj, Berishës i rri e vogël statura e deputetit pasi ka qenë lider historik i PD.

“Më vjen t’jua them me batutë “dikush erdhi dhe lajmëroi që ishte vjedhur lopa dhe të gjithë u sulëm tek rojtari, pse se ruajte. Ai tha, dreqi e mori, ai që vodhi s’pati asnjë faj.”

Në këtë kuptim, patjetër që mund të ketë element brenda bërjes së opozitës që duhet të ishin ndryshe apo të bëhen më mirë por ta kthej diskurin unë apo kushdo qoftë në një kompleksim të opozitës shqiptare në të cilin në çdo moment që keni marrë vendime kemi qenë bashkë aty.

Disa gjëra mund të mos i kem pëlqyer por i jam bindur urdhrit dhe rregullit të shumicës. Kjo është loja politike”, tha Duma për Top Talk.