LIGJET E BIZNESIT
Sekretari i Përgjithshëm i PD Gazmend Bardhi deklaroi se nesër 3 amendamentet kushtetuese do të dorëzohen në Kuvend.
Bëhet fjalë për atë të vettingut të politikanëve, zhbërjen e ndryshimeve kushtetuese të 30 qershorit si dhe reforma territorial.
Ai ka njoftuar se është ngritur një grup pune për finalizimin e amendamenteve.
“Atëherë siç jeni njohur edhe gjatë komunikimit që kemi pasur dje pas mbledhjes së grupit, grupi parlamentar i Partisë Demokratike, dje vendosi që gjatë javës të depozitojë disa amendamente kushtetuese për tre çështje madhore në interes të qytetarëve. Së pari, pastrimin e politikës nga të korruptuarit dhe individët me lidhje me krimin e organizuar. Së dyti, rikthimi i legjitimitetit të zgjedhjeve përmes ndryshimeve kushtetuese.
Dhe së treti, një reformë të re territoriale që afron më shumë shërbimet tek qytetarët. Autorizojë Komisionin, anëtarët e Partisë Demokratike në Komisionin e Ligjeve si grup pune për të finalizuar amendamentet. Sot grupi i punës u mblodh për të finalizuar amendamentet. U ra dakord për të gjitha çështjet që grupi parlamentar autorizoi dhe vendosi që ditën e nesërme të depozitojmë amendamentet kushtetuese që formalizojnë të treja propozimet që unë përmenda. Vettingun e politikanëve, Reformë territoriale dhe reformë zgjedhore”- tha Bardhi pak pas përfundimit të mbledhjes së kreut të PD-së me anëtarët demokrate ne Komisionin e Ligjeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
