Policia e Vlorës ka vënë në pranga një 40-vjeçar nga fshati Tragjas i Orikumit.
Ai akuzohet se ka shantazhuar një femër të cilës i kërkonte një shumë parash.
Uniformat blu bënë me dije se pas denoncimit të gruas, është arrestuar shtetasi me tre identitete, për të cilin japin dhe inicialet: A. Xh. alias R. R. alias E. R.
40-vjeçari ishte shpallur në kërkim për veprën penale “Shtrëngimi me anë të kanosjes ose dhunës për dhënie pasurie”
NJOFTIMI ZYRTAR I POLICISE:
Specialistët për Hetimin e Krimeve kundër Personit dhe Pronës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin A. Xh. alias R. R. alias E. R., 40 vjeç, banues në fshatin Tragjas, Orikum, i shpallur në kërkim për veprën penale “Shtrëngimi me anë të kanosjes ose dhunës për dhënie pasurie”, pasi dyshohet se ka kanosur dhe shantazhuar një shtetase, me qëllim përfitimin e një shume parash prej saj.
