Skandaloze/ Përgjysmimi i numrit të urbaneve, shihni si ngjishen njerëzit në dyert e autobusëve

Transporti publik në qytetin e Tiranës vijon të jetë një shqetësim i madh, ku qytetarët duhet të presin me minuta të tëra në stacione dhe më pas me orë të tëra në trafik për të mbërritur në destinacionet e tyre.

Prej ditës së hënë, kompanitë e transportit publik po operojnë me gjysmën e flotave të tyre, ndërsa sikurse shihet dhe nga pamjet, kjo ka përkeqësuar situatën në stacione, dhe brenda urbaneve.

Njerëz që tentojnë të hipin në dyer, ndonëse urbanet janë të mbushur, ndërkohë që nuk ka asnjë ndërhyrje nga shteti për zgjidhjen e kësaj situate.

Duke folur për Fax News, qytetarët thonë se u duhet të qëndrojnë në stacione nga dy orë në ditë, ndërkohë që brenda urbaneve as nuk mund të flitet për respektimin e kushteve anticovid.

Njerëz pa maska, pa distancë, urbane me kapacitet të tejmbushur, është  kjo panorama më e zakonshme gjatë udhëtimeve me transportin publik në Tiranë.