3 persona kanë përfunduar në prangat e policisë së Tiranës, të dyshuar për vepra të ndryshme penale, midis tyre një grua e cila ka vjedhur në një qendër tregtare.
Specialistët për Hetimin e Krimit në Komisariatin e Policisë Nr.2 mundësuan arrestimin në flagrancë të shtetasit me iniciale L. R, 33 vjeç, pasi ka ushtruar dhunë fizike dhe psikologjike ndaj bashkëjetueses së tij, të cilës iu plotësua kërkesë-padia për lëshimin e urdhërit të mbrojtjes së menjëhershme.
Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetases me iniciale M. R, 53 vjeçe, pasi u kap duke vjedhur në një qendër tregtare.
Specialistët e Qarkullimit Rrugor bënë arrestimin në flagrancë të shtetasit me iniciale A. V, 35 vjeç, pasi u kap duke drejtuar mjetin në gjendje të dehur.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme.
