Të pa vaksinuar në auditore, Rama për studentët: S’i nxjerr dot jashtë

Kryeministri Edi Rama i ftuar në “Now”, tha se studentët e pa vaksinuar nuk duhet të futeshin në auditore sot.

Megjithatë ai shtoi se pranimi apo mospranimi i tyre në auditore është në duart e universiteteve pasi janë autonomë.

“Nuk besoj se është e nevojshme të kalojmë në masa të tilla ekstreme. Duhet menduar në mënyrë pozitive. Duhet menduar që, duke qenë se vaksinat do të vijojnë të jenë në dispozicion, do të vaksinohen.

Normalisht ata nuk duhet të marrin pjesë, por kjo është një çështje e autoriteteve sepse qeveria nuk çon dot njerëz për t’i nxjerrë jashtë. Universitetet janë autonomë. Ata që janë vaksinuar kanë të gjithë të drejtën që të jenë në një mjedis të sigurtë, ministria e Arsimit duhet të shkojë të nxisë studentët,”- tha Rama.