“Më vjen turp që jam në këtë sallë” Kreshnik Çollaku ‘shpërthen’ keq në Komisionin Hetimor

Ditën e sotme nisi punën Komisioni Hetimor për zgjedhjet parlamentare të 25 prillit.

Pjesë e tij është dhe deputeti demokrat Kreshnik Çollaku.

Ky i fundit e mori fjalën 2 orë pasi kishte nisur mbledhja, dhe u shpreh i revoltuar për faktin që ndodhej në atë sallë për të hetuar vjedhjen e zgjedhjeve në një shtet mbi 100 vjeçar si Shqipëria, ndërsa Kosova sipas tij nga ana tjetër është model për mënyrën se si e zhvillon këtë proces.

“Mua më vjen turp që jam në këtë sallë, më vjen turp. Nuk e di si ndiheni ju. Jemi mbledhur këtu se kemi vjedhur zgjedhjet. Jemi mbi 100 vite shteti. Çfarë turpi jemi ne që mblidhemi në këtë sallë. Në Kosovë bëjnë zgjedhje që i japin shembull të gjithë ballkanit. Ju akuzojmë se keni vjedhur zgjedhjet.

Individualisht nuk e di, por politikisht po. Kam vetëm një shpresë, dhe po ju bëj një kërkesë personalisht, kjo e keqe po u kthye në fenomen, një ditë do ju dëmtojë dhe ju. T’i hapim rruge ketij procesi per te dneruar veten tone”, tha Çollaku.