“E ka fajin horoskopi” Mori rezultat zhgënjyes në zgjedhjet lokale në Prizren, kandidati i habit të gjithë

Ditën e djeshme janë mbajtur zgjedhjet vendore në Kosovë.

Mësohet se kandidati i LDK për kryetar të Pritrenit, Anton Quni ka arritur të marrë vetëm 14.98% të votave, dhe u rendit i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).

Por në bazë të rezultatit që mori, ai i ka habitur të gjithë me një deklaratë që ka bërë.

Sipas Qunit, një nga faktorët për humbjen ishte dhe pozita e yjeve në horoskop.

Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme.

“Është fakt që kemi filluar vonë. Kjo më shumë lidhet me shëndetin tim. Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.