Përfaqësuesit e Unionit të Transportit Publik kanë publikuar njoftimin ku thuhet se duke filluar nga dita e sotme, do të ketë një përgjysmim të flotës së urbanëve në qytetin e Tiranës.
Sipas deklaratës së tyre, një veprim i tillë vjen si shkak i mos-marrjes së masave nga ana e qeverisë për të kompensuar humbjet që sektori i transportit publik kishte pësuar gjatë periudhës së pandemisë. Në deklaratën e tyre, ata shtojnë se sektori ka shkuar deri në kapitullimin ekomomik.
Një tjetër problem sipas tyre është po ashtu edhe rritja e çmimit të karburantit që i ka vënë në pozitë tepër të vështirë ekonomike.
NJOFTIM PËR MEDIAN
Të nderuar,
Përfaqsuesit e Unionit të Transportit Publik, ju vejnë në dijeni se pas një viti e gjysëm nga rihapja e
transportit publik, ndodhemi ende në pikën fillestare ku asnjë nga institucionet përgjegjëse nuk ka
marrë asnjë masë apo plotësim të kërkesave ekonomike të premtuara.
E të gjendur në këtë situatë të pafuqishme ekonomike për të përballuar ecurinë e transportit dhe
sidomos pas rritjes së vazhdueshme e të pandërprerë të çmimit të naftës dhe të largimit të
stafit,jemi të detyruar që të operojmë nga datë 18.10.2021 me gjysmën e kapaciteit të flotës së
mjeteve urbane.
Jemi në këtë situatë pas shumë kërkesash dhe njoftimesh si në isntitucionet vendore dhe ato
qëndrore ku mos reagimi i tyre na bën që të shkojmë deri në një kapitullim ekonomik të këtij sektori.
Duke kërkuar mirkuptimin e qytetarve, mbetemi në pritje të zgjidhjes së kërkesave tona nga ana e
isntitucioneve përgjegjëse.
