Cilat janë disa nga gjërat që keni kuptuar me kalimin e viteve? A ka ndryshuar mënyra juaj e perceptimit? Keni marrë mesazhe nga jeta pas një moshe të caktuar dhe më e rëndësishmja, a po i zbatoni? Njerëzit tregojnë çfarë kanë kuptuar me kalimin e viteve dhe bëni mirë të mbani shënime!
1.
“Dikur mendoja se çdo gjë që do bëja duhet të ishte perfekte. Shumicën e kohës, mjaftueshëm mirë është thjesht mjaftueshëm mirë. Perfeksioni rrallë kërkohet në jetën reale.”
2.
“Kuptova që kam shpenzuar shumë kohë kur isha më e re, duke menduar se çfarë të tjerët do të mendonin për mua. Në fakt, të tjerët ishin duke menduar për veten dhe po shqetësoheshin se çfarë të tjerët po mendojnë për ta.”
3.
“Vetëm sepse për mua diçka është e thjeshtë, s’do të thotë që është për të gjithë e tillë. Vetëm se dikush e bën diçka të caktuar, s’do të thotë që unë mundem gjithashtu. Këtë e kuptova në fillim të 40-ve të mia.”
4.
“Mësova të paragjykoj më pak. Jam penduar për mënyrën sesi i kam parë gjërat. Nëse shihni nga perspektiva e njerëzve të tjerë, jeta juaj mund të ndryshojë komplet.”
5.
“Njerëzit nuk rriten vetëm se mosha e tyre kalon.”
6.
“Ka ndryshuar shumë ajo çfarë unë kërkoj tek një partner. Pamja e tij ka më pak rëndësi dhe kryesorja është tipi. Dikur ndikohesha shumë nga sipërfaqja, tani jo më.”
7.
“Mësova që koha kalon shumë shpejt. Nga mosha 1-17 duket si përjetësi. Nga 18-20 si një muaj dhe nga 20 në të 30-at si një javë.”
8.
“Mund të kemi çaste të vogla lumturie vetëm nëse bëjmë gjëra sepse i duam vërtetë dhe jo për të na parë të tjerët.”
9.
“Kuptova që s’ka asnjë lloj rëndësie çfarë një i huaj mendon për mua.”
10.
“S’ke pse t’i përballosh dhe të përpiqesh për sfidat vetëm për të treguar se je i/e fortë. Mund të jesh i tillë edhe duke kërkuar ndihmë.”
11.
“Ndonjëherë, prindërit tanë kanë të drejtë…”
12.
“Të jesh vetëm s’do të thotë të jesh i vetmuar. Unë dua shumë të jem me njerëz rreth e rrotull, por e dashuroj kohën që kaloj me veten.”
13.
” ‘Kur të rritem dhe pak…’ Ky momenti nuk vjen kurrë. Bëje tani çfarë ke për të bërë apo mësuar sepse më vonë ju pret fjalia: ‘Ah sikur ta kisha bërë kur isha i/e ri/re.”/ anabel
