Detajet tragjike! Të rinjtë rusë që vdiqën në Qerret kishin caktuar ditën e dasmës

Ekaterina Burenkova, 31 vjeçe dhe partneri i saj Nikita Belousov, 37 vjeç, që u gjetën të vdekur në saunan e një hoteli në Qerret do të martoheshin.

Mediat ruse shkruajnë se çifti i të rinjve kishin ardhur me pushime në Shqipëri dhe se kur të ktheheshin në Rusi, do të bënin një dasmë. Por, për fat të keq, këto plane nuk do të realizohen më.

Dyshja vdiqën në sauna bashkë me prindërit e 31-vjeçares, Sergei dhe Nataliia Burenkova. Kjo e fundit ishte edhe me kancer.

Ngjarja e rëndë ndodhi një natë më parë në ambientet e hotel ‘Gloria Palace’. Dosja është në duart e hetuesve të Tiranës dhe dyshohet se kemi të bëjmë me vrasje.