LIGJET E BIZNESIT
Edicioni i parë i “Big Brother VIP Albania” ka nxjerrë në pah shumë prej historive të trishta që u ndodhin dhe personazheve të njohur, njësoj si njerëzve të zakonshem.
Protagoniste ka qenë dhe gazetarja Rudina Mëneri, e njohur ndryshe me pseudonimin Paloma.
Në një bisedë me aktoren Monika Lubonja, Paloma rrëfeu momentet kur bashkëshorti, muzikanti Alandy e ka dhunuar.
Sipas saj, veprimet që ai ka kryer ishin shumë të rënda dhe se ajo e ka duruar këtë situatë për 8 vite rresht, pasi Alandy më parë ka pasur një varësi ndaj alkoolit.
“Më kapte kështu për të më përplasur në tokë. Më përplaste në tokë. Dhe unë që mbahesha tek ai, sepse mendoja se do të më plaste koka në tokë si shalqi. Siç ishte nga kuzhina me thikën në dorë dhe unë që i thoja: “Të lutem hiqe thikën”. Më mori nga dera përjashta për të më hedhur në tokë. Aty pastaj mora policinë. U bëmë gazi i botës, po nuk kisha çfarë të bëja. Durova 8 vjet, vitet e fundit e fundit u rëndua gjendja. E humbi logjikën.”
Ndaj kësaj deklarate ka reaguar bashkëshorti i saj, Alandy, i cili e ka pranuar se në fakt ka ushtruar dhunë ndaj saj në atë periudhë të jetës së tij, mirëpo ndihet i lënduar që ajo e tregon vazhdimisht, pasi prej dy vitesh ai ka ndryshuar. Në një reagim të fundit publik, ai është shprehur:
“Unë nuk fsheh çfarë kam bërë në jetë dhe nuk i kam fshehur ndonjëherë problemet që kam pasur me alkoolin. Por, tashmë u bënë dy vite që unë vetëm po prodhoj muzikë të mirë dhe i jam dedikuar familjes. U ndjeva pak i lënduar që po e tregonte disa herë. Sepse nuk më mërzit fakti që i tregon historitë e jetës, por fakti që i përsërit shumë shpesh” tha ai.
