Kryetari i Partisë Demokratike Lulzim Basha ka lëshuar sot një akuzë të fortë.
Gjatë konferencës me gazetarët, ai tha se 1/3 e karburanteve në Shqipëri hyjnë në rrugë kontrabandë, duke shmangur detyrimet doganore.
Lideri demokrat shtoi se PD ka përgatitur një kallëzim penal për këtë çështje dhe do ta çojë në SPAK.
“30% e karburantit që hyn në Shqipëri hyn kontrabandë, e thënë shkurt humb shteti, dhe në fakt humbin qytetarët. Pse ndodh kjo që 1/3 e karburantit të hyjë kontradandë, që nuk përkthehet në investime, rritje pagash, pensionesh. Pse zhduken këto para, çfarë ndodh me këto para. Prej ditës së djeshme PD ka nisur hartimin e një kallëzimi penal që do ta çojë në SPAK, me shpresën që nuk do të përfundojë te rafti i pluhurave”, u shpreh Basha.
