“Të atin ia shkarkuan nga detyra” Gledis Nano në krye të Policisë së Shtetit, Artan Hoxha tregon si ia ‘fundosi’ babain biznesmeni i fuqishëm

Pas emërimit të drejtorit të ri të Përgjithshëm në Policinë e Shtetit Gledis Nano, ka folur dhe gazetari investigativ Artan Hoxha.

Sipas tij, Nano vjen nga një familje policësh dhe gjithashtu tregoi se si në vitin 1998 babain ia kishin hequr nga puna pasi kishte goditur një trafik të lëndëve narkotike por që pas kësaj fshihej një biznesmen i fuqishëm.

“Babai i tij ka qenë oficer i lartë i policisë. Ka qenë në rangun e drejtorit të policisë së qarkut, madje mbahet mend që në vitin 1998 kur ishte drejtor i Elbasanit, ka kapur një sasi heroine prej 60 kilogramësh që vinte me maune nga Turqia dhe ishte për llogari të një biznesmeni me lidhje të forta me kryeministrin e kohës. Për këtë shkak e kanë shkarkuar nga detyra, tregoi Hoxha.