LIGJET E BIZNESIT
Pas dorëheqjes së Ardi Veliut një ditë më parë, është emëruar drejtori i ri i Policisë së Shtetit.
Ai është Gledis Nano, i cili deri dje ka mbajtur postin e shefit të Antiterrorit.
Emërimi i tij është bërë me propozim të Ministrit të Brendshëm Bledi Çuçi dhe u firmos sot në mbledhjen e qeverisë, nga zv.kryeministri Arben Ahmetaj.
Disa kohë më parë, Nano u vlerësua nga ambasadorja amerikane në Tiranë, Yuri Kim me Çmim Vlerësimi për bashkëpunimin dhe përkushtimin e tij në mbështetje të përpjekjeve të përbashkëta të Ambasadës Amerikane me Policinë e Shtetit Shqiptar për të luftuar terrorizmin global.
“Më 17 gusht, Ambasadorja Yuri Kim dorëzoi një Çmim Vlerësimi për Gledis Nano, Drejtor i Anti-Terrorizmit në Policinë e Shtetit Shqiptar. Çmimi e vlerësoi Z. Nano për bashkëpunimin dhe përkushtimin e tij në mbështetje të përpjekjeve të përbashkëta të Ambasadës Amerikane me Policinë e Shtetit Shqiptar për të luftuar terrorizmin global. Ambasadorja Kim nënvizoi gjithashtu edhe bashkërendimin dhe bashkëpunimin e tij me të gjitha çështjet e Ambasadës për zbatimin e ligjit dhe ato kundër terrorizmit,” thuhej në njoftimin e ambasadës amerikane.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
POR KUSH ESHTE GLEDIS NANO?
Ai është bërë i njohur për publikun gjatë operacioneve për riatdhesimin e shqiptarëve nga kampi AlHol, ndërsa gjatë muajve të verës, ambasadorja amerikane në Tiranë i dhuroi certifikatë vlerësimi në luftën ndaj terrorizmit.
Ai gjithashtu ka qenë në krye të disa operacioneve me rëndësi si dëbimi i diplomatëve iranianë nga Shqipëria dhe dosja e “Imamëve”.
Gledis Nano drejton që prej 17 shkurtit të vitit 2016, Drejtorinë e Antiterrorit, pas 17 viteve eksperiencë në Policinë e Shtetit.
