I grisën fletëvotimet në fytyrë, Lindita Nikolla tregon përjetimin e aksionit të opozitës

Është ndjerë keq dhe nuk e ka pritur të ndodhë ashtu. Kryetarja e Parlamentit të Shqipërisë, Lindita Nikolla,  ka thënë nuk i ka pëlqyer aspak veprimi i opozitës gjatë momentit të votimit të saj për të marrë këtë detyrë.

Demokratët shprehën revoltën e tyre duke dëmtuar fletën e votimit dhe duke kundërshtuar emrin e Nikollës si kryeparlamentare. Në një intevistë për News24, kryetarja e Kuvendit është shprehur se do të jetë në krah të ccdo deputeti, edhe ndaj atyre që grisën fletëvotimet.

“Do jem avokate e opozitës që të dëgjohet në Parlament. Parlamentin ta kthejmë një pasuri për publikun. Ishte një shfaqje e trishtë dhe unë nuk mund të ndihesha ndryshe përpos se ligsht, teksa shihja zonja e zotërinj që populli i ka përfaqësuar duke mbajtur atë qëndrim me votën. Në momentin që unë si deputet jap atë shfaqje, çfarë do bëjë publiku në raport me votën. Ishte e trishtë të shihja dhe zonjat me të njëjtin qëllim. Fati e deshi që të ishte një zonjë e para, zonja Açka për të cilën kisha dhe kam të tjera pritshmëri. Nuk kishte pse të jepej ajo shfaqje në sy të publikut”, tha Nikolla.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern