Një incident me të shtëna armësh u shënua këtë të premte në Selanikun perëndimor. Mediat greke shkruajnë se një person, i cili ishte në gjendje të dehur, doli në ballkonin e shtëpisë së tij dhe hapi zjarr me një karabinë.
Ngjarja ndodhi në një vendbanim rom në afërsi të Unazës në zonën e Kordelio. Katër persona që ishin aty afër u plagosën lehtë nga plumbat. Por sikur të mos mjaftonte kjo, makthi për ta nuk përfundoi këtu, pasi u sulmuan dhe u rrahën.
Brenda pak minutash, forca të shumta policie arritën në vendngjarje. Të plagosurit dhe protagonisti i dhunës shkuan në qendrën shëndetësore teksa më pas autori i kësaj ngjarje u vë në pranga ku edhe u mësua se ishte në gjendje të dehur.
