EMRAT/ U kapën në “shtëpinë e barit”, arrestohen tre të rinjtë shqiptarë në Britani

Policia britanike ka vënë në pranga tre shqiptarë, pasi janë gjetur në një fermë kanabisi.

Sipas mediave vendase, godina e vendosur në Lincolnshire, ishte e aftë për të prodhuar drogë me vlerë miliona pound.

Gjatë bastisjes së fermës, policia ka arrestuar Xhemal Derdin, 24 vjeç, ndërsa 21-vjeçari Alfred Alla, është gjetur i fsheur në tubat e ventilimit, e po ashtu, në pranga ka rënë dhe Ismail Elezi, që ndodhej në brendësi të fermës.

Autoritetet kanë thënë se ferma e sekuestruar është më e madhja e gjetur ndonjëherë në Lincolnshire. Nëse droga do të hidhej në treg, sipas përllogaritjeve, do të vlerësohej diku te 800 mijë paund.

Policia ndërkaq ka dhënë informacione shtesë për shqiptarët. Sipas tyre, ata kishin hyrë ilegalisht në Britani dhe nga 25 marsi i këtij viti, e deri në momentin e arrestimit janë kujdesur për bimët narkotike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mësohet se tre të rinjtë janë dënuar me nga 39 muaj burg secili dhe sapo të mbarojnë dënimin, do të ekstradohen drejt Shqipërisë.