Ish-dhëndri i mori jetën së bijës/ Babai i Sabrinës i drejtohet SPAK, ja kë denoncoi

Ekzekutimi i 23-vjeçares Sabrina Begaj nga ish-bashkëshorti i saj Elton Meta ka tronditur mbarë opinionin publik.

Ndërkohë babai i së ndjerës, e cila la pas dhe një vajzë vetem 3 vjeç, duket se është i vendosur të vijojë betejën me drejtësinë.

Partizan Bengaj ka deklaruar sot për “Report Tv” , se do të padisë në SPAK ata që mundësuan lirimin nga burgu të vrasësit të vajzës së tij.

Ishte Çlirim Sino që kërkoi që Elton Meta të shtrohet në spital si i sëmur mendorë, ndërsa avokatët e vetë të dyshuarit kishin qenë kundër dhe kërkuan që të përballet me ligjin.

Kjo kërkesë e prokurorit, vulosur nga gjyqtari Piro Sota, bëri që 32-vjeçari të shtrohej në spitalin e burgut në Zahari të Krujës, pas raporteve të ekspertëve të Mjekësisë Ligjore për probleme të shëndetit mendor.

Familja sigurisht që ka nisur edhe betejën ligjore për kujdestarinë e mbesës së vogël, e mbetur tashmë vetëm pas vrasjes së nënës së saj.