Asnjë gjurmë nga 60-vjeçari në Bulqizë/ Minatori prej 20 orësh ende në galeri

Pas më shumë se 20 orësh, minatori Muharrem Plaku i cili mbeti i bllokuar, pasi galeria e kromit ku punonte u shemb në Bulqizë, ende nuk është gjetur.

60-vjeçari ka mbetur në galeri prej orës 12:00 të një dite më parë dhe ende nuk dihet fati i tij.

Dje është shembur masivi i kromit duke bllokuar hyrjen e galerisë. Pesë prej minatorëve kanë arritur të shpëtojnë, me dëmtime të lehta.

Në vendin e ngjarjes ka shkuar ekipi i Avari Shpëtimit të Minierave që po punon për largimin e masivit të gurëve në hyrje të galerisë.