Nga vrasja me armë, te ikja në Angli pas burgut/ Kush është ish-polici që u ekzekutua në Malësi të Madhe

Janë zbardhur detaje rë reja nga vrasja me armë zjarri që tronditi Shkodrën.

Mësohet se 58-vjeçari Sokol Çelaj, ishte duke shkuar me gruan me makinë drejt shtëpisë, ku persona ende të pa identifikuar i bënë pritë duke e ekzekutuar me breshëri plumbash.

Viktima kishte pak ditë që ishte kthyer në Shqipëri, pasi prej vitesh jetonte në Angli.

Mbrëmjen e djeshme, para pak atentatit, ai ka vizituar një të afërm.

Çelaj mësohet se ka punuar polic dhe në vitin 1989 ka vrarë një person me armën e shtetit.

Gjykata asokohe e konsideroi vrasjen nga pakujdesia dhe Çelaj ka bërë rreth 6 vite burg, për të shkuar më pas në Angli.

Të afërmit e personit që ka vrarë 58-vjeçari jetojnë në Itali. Kjo është një nga pistat që po hetohet deri më tani, por nuk përjashtohen edhe episode të tjera.