Hidhet shorteu i Champions League, këto janë të gjitha përballjet për fazën e grupeve

Hidhet shorteu në Stamboll përsa i përket fazës së grupeve në “Champions League”.

Të gjithë ishin gozhduar përpara ekranit, për të parë se si do të bëhej ndarja e skuadrave në kompeticionin më të rëndësishëm në Europë.

Këtë herë, fati ka vendosur përballje të forta për vetë ekipet dhe spektakolarë për tifozët.

Ata do të shohin ndeshje të kalibrit të lartë që në fazën e grupeve.

Manchester City do të masë forcat për kreun e grupit me PSG, ndërsa Bayern Munchen sheh Barcelonën. Interit i është përsëritur i njëjti short si në sezonin e kaluar, pasi ka Realin e Madridit dhe Shakhtar në grup. Ndërkohë fati i ka buzëqeshur Berat Gjimshitit që do të luajë kundër Vijareal dhe Manchester United. Sa i përket Milanit, kuqezinjtë janë rikthyer në Champions League dhe do të përballen ndaj Liverpulit, Atletiko Madrid dhe Portos.

Sezoni i ri i Ligës së Kampioneve do të startojë më datë 14 shtator me ndeshjet e fazës së grupeve dhe do të përfundojë më 28 maj, në Shën Pjetërburg me finalen e madhe.

NDARJA E PLOTË E GRUPEVE: 

GRUPI A: Mançester Siti, PSG, Lajpcig, Klub Bryzh

GRUPI B: Atletiko Madrid, Liverpul, Porto, Milan

GRUPI C: Sporting Lisbonë,  Borusia Dortmund, Ajaks, Beshiktash

GRUPI D: Inter, Real Madrid, Shakhtar Donjetck, Sherif Tiraspol

GRUPI E Bajern Mynih, Barcelona, Benfika, Dinamo Kiev

GRUPI F: Vijareal,  Mançester Junajtid, Atalanta, Jang Bojs

GRUPI G: Lilë, Sevija, Salcburg, Volfsburg

GRUPI H:  Çelsi, Juventus, Zenit, Malmo