Pas shkrimeve në media se Dardan Krivaqa, i cili akuzohet për vrasjen e 18-vjeçares Marigona Osmani, u rrah nga të burgosurit e tjerë në paraburgim, ka reaguar Shërbimi Korrektues i Kosovës.
Ky institucion njofton opinionin publik se 29-vjeçari, menjëherë pas pranimit në BSL i është nënshtruar fazës së karantinimit, ku po qendron i vetëm në dhomë dhe nuk ka asnjë kontakt me të burgosurit e tjerë.
“Të gjithë të burgosurit trajtohen konform konventave ndërkombëtare, andaj SHKK u bën thirrje të gjitha mediave të kontaktojnë SHKK-në, t`i verifikojnë informacionet dhe mos të bien pre e dezinforatave të tilla, të cila kanë për qëllim zbehjen e imazhit dhe mundin e stafit të SHKK-së”, thuhet në reagimin e tyre.
