Prezantuesja e BBC Lisa Shaw ka ndërruar jetë në moshën 44-vjeçare, tre javë pasi mori dozën e parë të vaksinës AstraZeneca, për shkak të komplikacioneve.
Ajo u ankua për dhimbje koke dhe më pas u shtrua në spital, ku mjekët i zbuluan një hemorragji në trurin e saj.
Mpiksjet e gjakut nga vaksina Covid e AstraZeneca janë jashtëzakonisht të rralla, por mund të vrasin deri në një të katërtën e atyre pak pacientëve të prekur, sipas një studimi të fundit.
Shaw, e cila nuk dihej nëse kishte ndonjë problem të thellë shëndetësor, pati dhimbje koke të forta një javë pasi kishte marrë dozën e parë dhe u sëmur rëndë disa ditë më vonë, thanë të afërmit e saj.
Komplikacionet bënë që ekspertët e shëndetësisë në Mbretërinë e Bashkuar të rekomandojnë që të gjithë nën 40 vjeç të marrin Pfizer ose Moderna. Por studiuesit thonë se ky efekt anësor mendohet se prek vetëm një në 50,000 njerëz nën moshën 50 vjeç.
