Hapën shampanjë e nisën të kërcejnë/ Kush është e reja që bllokoi rrugën me shoqet në Tiranë, si i ftoi moshatarët në ‘sfidën’ e Tik-Tok

Një nga lajmet që bëri më shumë bujë ditë më parë, ishte ai ku një grup vajzash me makinë bllokuan rrugën në Unazën e Madhe në Tiranë, e gjitha kjo me qëllim që të hidhnin një video në rrjetin social Tik-Tok.

Ishte njëra prej tyre, Klaudia, e cila më pas i hodhi pamjet e plota në rrjetet sociale.

Aty shihen katër vajzat me muzikën e ngritur në maksimum, e teksa hapin shampanjën dalin nga makina dhe kërcëjnë me këngën “Fajet”.

Video është realizuar me anë të një droni.

E sikur mos të mjaftonte që vetë 4 vajzat kanë bllokuar rrugën, tani kërkojnë që kjo të kthehet në një “challenge” (sfidë), që të gjithë të bëjnë video të tilla, për të vlerësuar më pas se kush është edhe më e bukura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më pas shoferja 21 vjeçare është ndëshkuar nga policia duke u gjobitur me një shumë prej 500 mijë lekësh (të vjetra) si dhe makina e tipit “Benz- Mercedes” i është bllokuar.