“S’është gjë e rrallë të takohesh me hipokritë në politikë”/ Presidenti Meta del me mesazhin e fortë

Presidenti Ilir Meta ka shpërndarë mesazhin që bëri sot Papa Francesku.

Në mesazhin e tij Ati i Shenjtë thotë se në politikë nuk është gjë e rrallë të takohesh me hipokritë, të cilët jetojnë një jetë të dyfishtë.

Presidenti Meta shpërndan mesazhin e sotëm të Papa Françeskut:

Në audiencën e sotme të përgjithshme Papa Françesku u ndal tek “virusi i hipokrizisë”.

“Çfarë është hipokrizia? Është frikë përballë së vërtetës. Hipokriti ka frikë se mund të dalë në shesh e vërteta. I pëlqen më shumë të shtiret, sesa të jetë vetvetja. Shpesh hipokrizia fshihet në vendin e punës, ku ndokush përpiqet të shtiret si mik me kolegët, ndërsa nuk synon tjetër gjë, veçse t’i godasë mbas shpine. Në politikë nuk është gjë e rrallë të takohesh me hipokritë, të cilët jetojnë një jetë të dyfishtë, atë publike e atë private, që ndryshojnë si nata me ditën.
Nuk duhet t’i harrojmë kurrë fjalët e Zotit: ‘FJALA JUAJ LE TË JETË: PO, PO; JO, JO!”

Mesazh kaq aktual edhe për shoqërinë tonë!