Arrihet marrëveshja, talebanët do t’i lejojnë afganët të largohen edhe pas gushtit

Shtetasit afganë me dokumente ligjore do të udhëtojnë pas muajit gusht.

Ambasadori gjerman në Afganistan, Markus Potzel njoftoi lajmin me një postim në Twitter.

Potzel u takua me Sher Mohammad Abbas Stanekzai, Zëvendës Shef i byrosë politike të Talebanëve dhe ekipin e tij “për një diskutim gjithëpërfshirës” në Doha të martën, tha Potzel.

Kjo vjen një ditë pasi Talebanët thanë se “nuk po lejonin më evakuimin e afganëve” duke deklaruar se SHBA -të duhet t’i përmbahen afatit të javës së ardhshme për t’u tërhequr.