Ekzekutimi i Bledar Muçës/ Shkon në 5 numri i të plagosurve, gjendet një makinë e djegur

5 persona janë plagosur nga atentati që iu bë 34-vjeçarit Bledar Muça.

Policia njofton se të plagosurit:

Judin Velo, 32 vjeç
Ervis Tafa, 25 vjeç
Sara Liçi, 24 vjeçe
Eksara Sauli, 26 vjeçe
Majlinda Gjyla, 66 vjeçe janë jashtë rrezikut për jetën.

Ndërsa në fshatin Thanasaj, Lushnjë, është gjetur i djegur një automjet i cili dyshohet se është i autorëve.

Atentatorët kanë hapur zjarr nga një makinë që ka qenë në lëvizje, duke qëlluar me breshëri automatiku drejt lokalit, që ka qenë i populluar dhe duke i marrë jetën Bledar Muçës.

Njoftim

Në vijim të informacionit paraprak të dhënë për ngjarjen në pedonalen e qytetit Lushnjë, të plagosur jashtë rrezikut për jetën janë edhe shtetaset E. S., 26 vjeç dhe M. Gj., 66 vjeçe.

Në fshatin Thanasaj, Lushnjë, është gjetur i djegur një automjet i cili dyshohet se është i autorëve.

Vijon puna intensive për identifikimin dhe kapjen e autorëve të ngjarjes.