Partia Demokratike ka reaguar përmes deputetes së zgjedhur Zheni Gjergji, lidhut me mospranimin e certifikatës së vaksinimit në zonën Shengen.
Në reagimin e saj në rrjetet sociale, deputetja thekson se shqiptarëve po u rrezikohet lëvizja e lirë për shkak të vaksinave të pacertifikuara nga EMA, të cilat janë përdorur në vendin tonë.
Postimi i plotë:
Komisioni Evropian ka bërë të ditur se Bashkimi Evropian (BE) nga 20 gushti do të pranojë çertifikatat e vaksinimit kundër koronavirusit të ri (COVID-19) të Maqedonisë së Veriut.
Ndërsa Shqipëria për shkak të procesit të vaksinimit jo serioz dhe korrupsionit të përhapur në sistemin e Shëndetësisë, si edhe hyrjes së virusit të rryfshetit për të bërë vaksinën e sigurt “Pfizer” – është jashtë vëmendjes.
Përdorimi i vaksinave të paçertifikuara nga EMA në popullatë, duke dalë jashtë rregullave të BE, po penalizon pranimin e çertifikatës së gjelbër (green pass) që lejon lëvizjen e lirë, në zonën Shenghen.
Shqiptarët meritojnë më shumë sesa një qasje të korruptuar të sistemit të shëndetësisë dhe vaksinimit. Shqiptarët meritojnë dinjitet dhe liri udhëtimi.
