Publikohet fotoja/ Kush është 18 vjeçarja që u la e pajetë në derë të spitalit. Dëshmia e hallës

Janë zbardhur detaje të reja nga ngjara e rëndë në Ferizaj, ku një vajzë 18 vjeçare u la e pajetë në derë të spitalit nga dy të rinj.

“Insajder’ ka publikuar foton e vajzës së re, e cila u dhunua për vdekje nga të rinjtë, ndërsa për ngjarjen ka reaguar dhe halla e 18-vjecares me inicialet M.O.

Në profilin e saj në Facebook, halla e vajzës së ndjerë ka shkruar “Pushon në paqe, zemra e hallës”.

Ndërkohë, familja e 18-vjeçares, M.O që vdiq gjatë ditës së djeshme në Ferizaj i kanë hapur sot dyert e mortës.

Ata janë shprehur se të rinjtë e keqtrajtuan dhe ua sollën të vdekur, ndërkohë gjithë banorët e zonës janë mjaft të tronditur nga kjo ngjarje.

Policia ka bërë të ditur se tashmë nën pranga ka përfunduar një person, ndërsa, i dyshuari kryesor për këtë rast, Dardan Krivaqa ndodhet ende në arrati.