Rënie temperaturash dhe rrebeshe shiu/ Surprizat që rezervon moti në ditët në vazhdim

Megjithëse java ka nisu me diell dhe temperatura të larta, duke nisur nga e mërkura, priten rrebeshe afatshkurtra shiu në zonat veriore dhe pjesërisht në qendër të vendit tonë.

Sipas meterologes Adiola Bani, e enjtja do të sjellë rrebeshe afatshkurta shiu thuajse në të gjithë territorin shqiptar.

E premtja dhe fundjave sjellin përmirësim të kushteve të motit duke na rikthyer kthjellimet.

“Për sa i përket temperaturave të ajrit, ato do të mbeten të larta gjatë kësaj fillim jave ndërsa vlerat termike do të shënojnë deri në 37 gradë Celsius. E mërkura do të sjellë një rënie me dy gradë, që do të vijojë deri në ditën e enjte duke bërë që termometri të zbresë deri në 33 gradë Celsius.

E premtja dhe fundjava do të sjellin një rritje të lehtë të vlerave termike. Për sa i përket parametrit të erës, herë pas here do të jetë e fortë, jo vetëm në det të hapur por edhe në ultësirën perëndimore”, shprehet Bani.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern