Ish futbollisti i njohur brazilian, Anderson është përfshirë në skandal që e implikon atë në grupe kriminale.
Talenti i Manchester United, i cili u tërhoq nga futbolli vitin e kaluar është ndalur në kuadër të një operacioni ku përfshiheshin edhe tetë persona të tjerë, një organizatë kriminale, e cila merrej me vjedhje, zhvatje dhe pastrim parash.
Sipas mediave braziliane, Anderson ishte pjesë e këtij grupi që kanë zhvatur kompani të ndryshme, duke i shkaktuar një dëm prej 5 milion euro, shumë kjo e cila më pas është pastruar duke blerë në treg kriptovaluta.
Nëse ish futbollisti brazilian shpallet fajtor rrezikon deri në 10 vite burg.
